Við fórum með Brag á Stóðhestadaginn í gær, sem haldinn var á Brávöllum á Selfossi. Sumarblíða, frábær dagur og fullt af fólki. Bragi okkar sýndi gæðinginn og tókst vel. Tekið skal fram að Bragi er hvorki vanur né lærður sýningarmaður en gaf hinum ekkert eftir
Hér eru nokkrar myndir frá í gær, smellið á myndirnar til að stækka.

Barnabarnið fór í sinn fyrsta reiðtúr milli bæja um helgina. Þorgeir Elís er aðeins eins og hálfs árs, svo þetta var stór dagur og ekki nóg með það, heldur fór hann og tók þátt í sauðburðinum hjá Huldu frænku á Tyrfingsstöðum

Sunnudaginn 15.apríl fór fram Ræktunarsýning í Reiðhöllinni á Flúðum á vegum Hrossaræktarfélags Hrunamanna. Blískaparveður var, góð þátttaka og margir lögðu leið sína í Reiðhöllina til að horfa á. Við afréðum að vera með þó svo að ekki væri tök á að koma með þá 3 graðhesta (Tenór, Hljóm og Konsert )  sem við erum með í þjálfun og tamningu annars staðar.

Maja sýndi Hulu, Bragi sýndi Brag og Magga sýndi Klettagjá. Hula fór um höllina á tölti eins og hún hefði aldrei gert annað en staðreyndin var sú að hún hafðin fengið að kíkja þarna inn á föstudeginum fyrir sýniguna. Það má teljast gott hjá 4 vetra tryppi.

Þeir félagar voru í svaka stuði eins og vanalega.

Við fórum í Langholt í dag og Viðja sýndi okkur frændsystkinin Hulu og Konsert. Við féllumst á að taka Hulu heim og gefa henni frí. Hún er mjög efnileg en ekki tilbúin í sýningar harkið. Sum 4 vetra tryppi eiga bara ekki erindi í þetta!! Konsert bætir við sig jafnt og þétt, skemmtilega gangsamur með mikla mýkt í skrokknum. Hér eru nokkrar myndir af unglingunum.

Það er enginn skömm að þessu og Viðja búin að gera góða hluti

Loksins gafst veður til að setja þakeiningarnar á, þó svo veðrið þyrfti nú aðeins að stríða inn á milli. Við fengum duglega stráka á öllum aldri til að hjálpa okkur og þetta gekk eins og í sögu. Klikkið á myndirnar til að stækka.

Svona gekk þetta fyrir sig föstudaginn 16. og laugardaginn 17. mars. Stórum áfanga náð og takk fyrir hjálpina, Þór, Raggi, Þorkell, Lalli, Gulli, Siggi og Jón!!!
Og ekki má gleyma Braga, það kemur sér vel að hafa hann heima í þessum framkvæmdum.

Við fórum á fimmtudaginn í höfuðborgina að athuga hverning gengi með sveitastrákinn Hljóm.  Bragur var tekinn með í kerru svo Siggi gæti prófað hann líka.

Það var frekar skemmtilegt að sjá þessi tilþrif Hljómur flokkast örugglega undir GÆÐING! Þau voru bæði mjög ánægð með hann og tiltóku m.a. frábært ganglag.

Svo var lagt á Brag.                                        
Eftir fyrstu 50 metrana var allt sett á fullt og maður og hestur urðu eitt. Við erum MJÖG stoltir eigendur.
Edda Rún spurði:,, Hvernig  er þessi hryssa eiginlega sem þeir eru undan?“.Góð spurning

Klikkið á myndirnar til að stækka

Það er búið að ganga vel í dag að reisa þessar fallegu límtréssperrur, enda vanir menn í hverju horni. Þór á Kópsvatni þekkir svona verk betur en fingur sínar svo það var ekki bagalegt að fá hann til að stjórna verkinu. Ekki spillti að fá svona fallegt veður.

Við fórum í vikunni að sjá hvernig gengi með Hulu og Konsert. Eftir 2ja mánaða tamningu eru tryppin vel á veg komin. Hula hendist hér um Langholtsveginn skrefamikil og flott. VIð höfum heilmikla trú á henni. Hula er undan Frostrós frá Túnsbergi og Tind frá Varmalæk.

Konsert, undan Stöku og Gaum frá Auðsholtshjáleigu.
Konsert hafði greinilega meiri áhuga á umhverfinu, svona á mánudegi, heldur en því sem knapinn var að biðja um, en sýndi engu að síður góða tilburði þó svo þeir næðust ekki á mynd.

Klikkið á myndirnar til að stækka.

Við fórum í dag að Árbakka og kíktum á Tenór með nýja knapann, Hinrik Bragason á baki. Þar eru hlutirnir greinilega að smella saman, klárinn í feikna góðu standi og við vorum ákaflega ánægð með það sem við sáum.

Það var vor í þeim frændum Kvartett (undan Stöku og Gaum) og Byl (undan Tenór og Storð) þegar við heimsóttum þá í dag. Það er gott eldi í þeim báðum og mikil hlaupagleði.